21 FEBRERO: CUCHILLO DE FUEGO + UZUMAKI NO SWASS (OURENSE)

http://xoselgarcia.blogspot.com.es/

FESTA PORNO DA BURUNDANGA NO SWASS

A burundanga, tamén coñecida como escopolamina, é un alcaloide tropánico que se atopa como metabolito secundario de plantas na familia das solanáceas. Utilízase como droga malvada: serve para anular a vontade das persoas e levalos por aí de viaxe chamánica facendo que saquen cartos de todos os caixeiros. A crise empezou así, pero Castaneda dicía que se utilizaba en bruxería para prepararse para voar, e iso ten máis que ver co que vai suceder no

SWASS (Ourense)

o VENRES 21

a partir das NOVE E MEDIA DA NOITE

por CATRO PAVOS DE DONATIVO PARA AS BANDAS (BURUNDANGA INCLUÍDA NO AMBIENTE)

con CUCHILLO DE FUEGO e UZUMAKI como gurús e mestres de cerimonias. Acabáronse as imitacións de Santana e Jim Morrison porque o Embora ten unha tarima máis grande dende a que dar palmas e adicarse ó sexo andino froito desa morte da vontade, que total nunca che fixo ningún favor.

CUCHILLO DE FUEGO son, como o seu nome indica, a banda máis perigosa de Pontevedra. Cortan, queiman e algún deles leva gafas, así que moito ollo. Entre os seus fans cóntanse un lote de artistas e intelectuais a favor do cine español. Obxectos perigosos, reaccións perigosas, música socioeconómicamente rentable se queres estar á última, sátira social e pertenza a sectas con duros rituais iniciáticos. Esperemos que o teu peito teña saída de incendios.

http://cuchillodefuego.bandcamp.com/album/demos

UZUMAKI son probablemente o único grupo de Galicia no que ninguén leva gafas, pero non é iso o único do que poden presumir. Eles utilizan máquinas frías, electrónicas e metálicas, para tocar os ritmos cálidos do Caribe e logo os seus instrumentos eléctricos para emitir ruidos cortantes. Samba, punk, Steve Albini e Benny Moré xuntos por primeira e última vez. Berran pero non coa paixón sexual dos negros nin con ese complexo de inferioridade dos brancos. Tampouco como porcos camiño do matadeiro: son berros de insectos, afogados e extraños. Fantástico.

http://discosporno.bandcamp.com/album/uzumaki-adelanto

NOTA: a burundanga pode provocar graves alteracións de memoria, así que está permitido beber para que poida dar igual de todas formas. Pode parecer sorprendente, pero NUNCA ANTES HOUBO BURUNDANGA NO SWASS.